Einn áhrifamesti þáttur alþjóðaþjónustu Rótarýhreyfingarinnar eru
nemendaskipti sem standa til boða börnum rótarýfélaga jafnt sem öðrum. Starf
þetta lagðist niður vegna heimsfaraldursins en nú tökum við upp þráðinn þaðan
sem frá var horfið með kynningu á þeim skiptimöguleikum sem við ætlum að
bjóða uppá.
Skiptinemar til eins árs.
Skiptinemar þurfa að vera orðnir 16 ára en ekki eldri en 18 1/2 árs þann 1. september
árið sem dvölin erlendis hefst.
Skiptinemarnir dveljast eitt skólaár í gestgjafalandinu á heimilum rótarýmannna eða á
öðrum heimilum sem rótarýmenn velja.
Á heimsvísu fara árlega yfir 8.000 ungmenni sem skiptinemar á vegum
Rótarýhreyfingarinnar og dvelja í yfir 100 löndum.
Ætlast er til að skiptin séu gagnkvæm þannig að þeir klúbbar sem senda nemendur utan
taki á móti jafnmörgum í staðinn.
- Aldur 16 til 19 ára
- Dvölin er 10-12 mánuðir (eitt skólaár) á 1 til 4 heimilum
- Gagnkvæm skipti milli Rótarýklúbba
Umsóknarfrestur fyrir árs skiptinám er til 1. desember ár hvert
Ungmennaskipti 3-6 vikur
Eitt tilboð hefur borist um sumarskipti (family to family) þar sem ungmenni frá Íslandi
dvelst í 3-6 vikur á heimili jafnaldra af sama kyni erlendis og síðan kemur erlendi
unglingurinn til jafn langrar dvalar á Íslandi.
Fyrirspurnin sem við höfum fengið eru frá stúlku í Brasilíu sem er fædd 2007. Hún býr í
bænum Regendte Feijó (20 þús. íbúar). Af því að hún er í sumarfríi í desember og janúar
kæmi hún hingað í kringum jól og áramót í u.þ.b. 5 vikur, en okkar kandídat færi til
hennar fjölskyldu sumarið 2024. Endilega hafið samband við æskulýðsnefnd
umdæmisins ef þið eruð með kandídat sem hefur áhuga á þessu í gegnum ykkar klúbba.
Nánari upplýsingar.
Hægt er að hafa samband beint við æskulýðsnefnd umdæmisins með því að senda tölvupóst á youth@rotary.is
eða í síma 856 5909, Klara Lísa.
Rótarýklúbbar í kringum landið eru nú að dreifa plakötum í grunnskóla og framhaldsskóla þar sem eru linkar í frekari upplýsingar um skiptinámið. Þar er vísað á Tiktok síðu okkar og vefsíðu með frekari upplýsingum.
