Staða sjókvíaeldis og uppbygging Arnarlax á Bíldudal

Félagavalsnefnd hefur fengið Kjartan Ólafsson, stjórnarformann Arnarlax til að mæta á fundinn okkar næsta föstudag þann 17. febrúar 2023.

Eitt af stórum málunum í síðustu viku var skýrsla Ríkisendurskoðunar um stjórnsýslu fiskeldismála þar sem komu fram ýmsar ábendingar. Kjartan sem bjó um árabil í Noregi þekkir laxeldið og þá sérstaklega sjókvíaeldið betur en flestir. Hann mun gefa okkur innsýn inn í stöðu sjókvíaeldis og segja okkur frá því uppbyggingarstarfi sem hefur átt sér stað hjá Arnarlaxi á Bíldudal síðustu ár. Rekstur Arnarlax var frábær á síðasta ári og velti félagið um 35 milljörðum króna og skilaði um 15 milljarðar króna EBITDA-hagnaði.

Kjartan Ólafsson er sjávarútvegsfræðingur frá Háskólanum í Tromsö. Hann vann hjá Íslandsbanka í sjávarútvegstengdum verkefnum heima og erlendis og stofnaði árið 2009 Markó Partners sem er verðbréfa- og fyrirtækjaráðgjöf á sviði sjávarútvegs og fiskeldis sem hefur verið hans aðalstarf síðan þá. Kjartan hefur verið stjórnaformaður Arnarlax á Bíldudal frá árinu 2014.